सोलापूर : ‘बार्शी तालुका पोलीस ठाण्यामुळे सर्वसामान्य नागरिकांना जलद सेवा मिळेल,’ असा विश्वास पालकमंत्री विजय देशमुख यांनी बार्शी येथे व्यक्त केला.
महाराष्ट्र दिनाचे औचित्य साधून बार्शी पोलीस ठाण्याचे उद्घाटन पालकमंत्री देशमुख यांच्या हस्ते करण्यात आले. त्यावेळी ते बोलत होते. या वेळी आमदार दिलीप सोपल, नगराध्यक्ष असिफ तांबोळी, पोलीस अधीक्षक वीरेश प्रभू, अतिरिक्त पोलीस अधीक्षक मिलिंद मोहिते, उपविभागीय पोलीस अधिकारी विजय कबाडे, तहसीलदार ऋषिकेश शेळके आदी उपस्थित होते.
‘बार्शी तालुका पोलीस ठाण्यामुळे बार्शी शहरातील नागरिकांना विविध सेवांसाठी दूर जावे लागणार नाही; मात्र नागरिकांनी शहरातील शांतता आणि सौदार्य कायम ठेवण्यासाठी पोलीस विभागाला सहकार्य करावे’ असे आवाहन ही देशमुख यांनी या वेळी केले.
या प्रसंगी आमदार सोपल, पोलीस अधीक्षक प्रभू यांचीही भाषणे झाली. उपविभागीय पोलीस अधिकारी कबाडे यांनी आभार मानले.